വ്യക്തിനാമങ്ങളിലെ സ്ഥലപ്പേരുകൾ അവയുടെ ചരിത്രം

ഡോ .കാനം ശങ്കരപ്പിള്ള

9447035416 drkanam@gmail.com

ജന്മനാടിന്റെ പേര് തൻ്റെ പേരിനോടൊപ്പം ഉപയോഗിച്ച് പോരുന്ന നിരവധി എഴുത്തുകാരും കലാകാരന്മാരും സാമൂഹ്യ പ്രവർത്തകരും മാധ്യമ പ്രവർത്തകരും രാഷ്ട്രീയ പ്രവർത്തകരുമുണ്ട് ഈ ഭൂമിമലയാളത്തിൽ .

ആരാണ് ഈ ശീലം ആദ്യം ആദ്യം തുടങ്ങിയത് എന്നറിഞ്ഞുകൂടാ .

കവികൾ ആയ നിരണം ഉള്ളൂർ ,പുത്തൻകാവ് , പാലാ ,പൊൻകുന്നം (ദാമോദരൻ ), നോവലിസ്റ്റുകാരായ തകഴി , വൈക്കം ,കാനം ,കങ്ങഴ നാടകകൃത്തും കഥാകാരനായ പൊൻകുന്നം(വർക്കി ) എഴുത്തുകാരായ ശൂരനാട് ,ഇളങ്ങുളം , ഏറ്റുമാനൂർ(സോമദാസൻ ) എരുമേലി (പരാമർശ്വരൻ പിള്ള ) കലാകാരികളായ മാവേലിക്കര (പൊന്നമ്മ ), ,കവിയൂർ(പൊന്നമ്മ ,രേവമ്മ ) അടൂർ സഹോദരികൾ, ചലച്ചിത്ര സംവിധായകൻ അടൂർ , കലാകാരന്മാരായ ചേർത്തല കാഥികരായ കെടാമംഗലം, ചലച്ചിത്ര സംഗീത സംവിധായകൻ പറവൂർ (ദേവരാജൻ ) നടൻ പറവൂർ ഭരതൻ രാഷ്‌ടീയ നേതാക്കൾ വെളിയം ,കാനം ,പിണറായി , എന്നിങ്ങനെ എത്രയോ പേര് അവരുടെ ജന്മനാടിന്റെ പേരിൽ അറിയപ്പെടുന്നു .

ഇവരിൽ ആരാണ് ആദ്യം ഈ ശീലം തുടങ്ങിയത് ? ആർക്കറിയാം .

എന്നാൽ തമിഴന്റെ ദ്രാവിഡ ശീലം ആണ് പിറന്ന നാടിന്റെ പേരിൽ അറിയപ്പെടുന്നത് എന്ന് കണ്ടത്തിയത് തമിഴ് പ്രേമിയും തമിഴിൽ എഴുതി ആദ്യം ഐ ഏ എസ് നേടി ഒറീസാ ചീഫ് സെക്രട്ടറി ആയ , രണ്ടു തവണ കേന്ദ്ര ഇലക്ഷൻ ഡപ്യൂട്ടി കമ്മീഷണർ ആയി ജോലി നോക്കിയ കോയമ്പത്തൂർ നത്തം സ്വദേശി സ്ഥലനാമ ഗവേഷകൻ , ആർ ബാലകൃഷ്‌ണൻIAS .അദ്ദേഹത്തിന്റെ പ്രസിദ്ധമായ ഗവേഷണ പ്രബന്ധം -Journey of A Civilization- Harappa to Vaigai -2022 Roja Muthaiah Reserch Librari ,Chennai - വഴി

ചിലപ്പതികാരം ,മണിമേഖല ,പതിറ്റുപ്പത്ത് ,അകനാനൂറ് ,പുറ നാനൂറ് , തൊൽക്കാപ്പിയം,പെരിയ പുരാണം തുടങ്ങിയായ സംഘകാല കൃതികൾ മുഴുവൻ കാണാതെ പഠിച്ച അദ്ദേഹം ആ കൃതികളിലെ സ്ഥല നാമങ്ങളും പേരുകളും ഒപ്പം ഇന്ത്യൻ ഉപ ഭൂഖണ്ഡത്തിലെ മുഴുവൻ സ്ഥലനാമങ്ങളും കണ്ടെത്തി ലിസ്റ്റ് ചെയ്‌ത്‌ പഠന വിധേയമാക്കി Onomastics എന്ന സ്ഥലനാമ പഠന ശാസ്ത്രം ഇന്ത്യയിൽ പ്രചരിപ്പിച്ചു വരുകയാണ് . സംഘകാല കൃതികളിൽ ഗോത്ര പ്രമുഖൻ സ്ഥലനാമത്താൽ വിശേഷിപ്പിക്കപ്പെട്ടു .

തെങ്കനാട് കിഴവൻ

കാന്തിരക്കോ നല്ലി

മല്ലി കീഴാൻ കരിയാറ്റി

ഒയ്മ്മനാട്ട് നല്ലിയക് കോതൻ

അതുകോട്ടപ്പാട് ചേരലാതൻ

മധുരൈ അലക്കാർ

ആയൂർ മുടവനാർ

കൊള്ളി കല്ലനാർ

മാങ്കുടി മരുതനാർ

മിലൈ കാന്റനാർ

തൊല്കാപ്പിയം ശ്ലോകം 1675 സ്ഥലപ്പേരുള്ള വ്യക്തികളെ പരാമർശിക്കുന്നു . അകനാനൂറിൽ അത്തരം നിരവധി ഉദാഹരണ ങ്ങൾ ഉണ്ട് . തമിഴ് നാട്ടിൽ ഇന്നും വ്യക്തികൾ പ്രത്യകിച്ചും രാഷ്ട്രീയ നേതാക്കൾ ജന്മ നാടിന്റെ പേരിൽ അറിയപ്പെടുന്നു. ഉദാഹരണം :

നാഞ്ചിലാർ ,വളപ്പാടിയാർ ,ആർക്കോട്ടാർ നമ്മുടെ മലയാള നാട്ടിലും അത് പകർത്തപ്പെടുന്നു പിണറായി ,വക്കം ,കാനം ,വെളിയം, കാന്തപുരം എന്നിങ്ങനെ

പകർപ്പകാശം തമിഴന് കൊടുക്കാതെ ദ്രാവിഡ പാരമ്പര്യം മനസിലാക്കാതെ . ആർ .ബാലകൃഷ്ണന് നന്ദി